ဘ၀ပေါင်းများစွာ

ဆိတ်တစ်ကောင်သတ်မိလို့ ဆိတ်မွေးနှင့် အညီအမျှ ဘဝပေါင်းများစွာ ပြန်ပြီးအသတ်ခံရတယ်၊
ဆင်းရဲဒုက္ခတွေ ခံစားရတယ်။
ပန်းတစ်ပွင့်လှူ၊ ကြံတစ်ချောင်းလှူ၊ ရေလေးတစ်ခွက်လှူရုံနဲ့
ရှင်ဘုရင်ဘဝ၊ နတ်သား၊ နတ်သမီးဘဝ ရတယ်။
ဘဝပေါင်းများစွာ ချမ်းသာခံစားရတယ်ဆိုတော့ ဖြစ်နိုင်ပါ့မလား။
ဟုတ်မှ ဟုတ်ပါ့မလား။ မပိုလွန်းဘူးလား။ တစ်ကြိမ်တစ်ခါလေး ပြုမိတဲ့ ကောင်းမှု၊ မကောင်းမှုက
ဘဝပေါင်းများစွာ ဒီလောက်ကြီးတောင်မှ အကျိုးပေးနိုင်ပါ့မလားလို့ တွေးမိကြလိမ့်မယ် ထင်ပါတယ်။ ဟုတ်ကဲ့....ပေးနိုင်ပါတယ်။ နောက်ဘ၀ပေါင်းများစွာ
ကျမှမဟုတ်ပါဘူး။
အခုလုပ်ရင် အခုချက်ချင်း(စက္ကန့်မခြား)တောင် အကျိုးပေးနိုင်ပါတယ်...။

ရှင်းပြပါဦးမယ်။ ဗုဒ္ဓ အဘိဓမ္မာအရ-

၁- စက္ကန့်မှာ - စိတ်ပေါင်း ကုဋေ (၁)

သောတာပန် ပြဿ နာ ရှင်းတမ်း-အရှင်ကောဝိဒ(ယော)

မြတ်စွာဘုရားလက်ထက်က တရားတစ်ပုဒ်ဟောပြီးတိုင်း သောတာပန်ပုဂ္ဂိုလ်များ ဖြစ်သွားကြရာ၌

(က) ယခင်ဘ၀က သောတာပန် ဖြစ်ပြီးသူများ ပါ/မပါ။
(ခ) ဘ၀တစ်ခုမှ သောတာပန် ဖြစ်ပြီးသူများ လက်ရှိဘ၀တွင် မည်သို့ ထူးခြားမှုရှိနိုင်ပါသနည်း။
(ဂ) ယခင်ဘ၀က သောတာပန်ဖြစ်ခဲ့၍ ယခုဘ၀ သကဒါဂါမ်၊ အနာဂါမ် ရဟန္တာဖြစ်သွားသော သုတ္တန်များရှိလျှင် ညွှန်ပြပါ-
ဦးကောင်းမွန်

ဖြေ။ ။ ရှေဦးစွာ သောတာပန်ဟူသော ပုဒ်ကို ရှင်းပြချင်ပါသည်။ သောတာပန်ဟူသော ပုဒ်သည် သောတာပန္န-ဟူသော ပါဠိပုဒ်ကို မြန်မာမှုပြုထားသော ပါဠိသက်ဝေါဟာရဖြစ်၏။ သောတာပန္န-ဟူသော ပုဒ်သည် သဒ္ဒါနည်းအရ သောတနှင့် အာပန္န-ဟူသော ပုဒ်နှစ်ခုကို ပေါင်းစပ်ထားခြင်း ဖြစ်၏။ ဤတွင် သောတ-အရ သမ္မာဒိဋ္ဌိ-စသော မဂ္ဂင်ရှစ်ပါးကို ရ၏။ ထိုမဂ္ဂင်ရှစ်ပါးသို့ ရှေးဦးစွာ ရောက်သောသူသည် သောတာပန္န-မည်၏။

အနည်းငယ်ထပ်၍ ရှင်းရလျှင် `သ၀တိ သန္ဒတီတိ သောတော= မဆုတ်နစ်ဘဲ တစ်စီးတည်း စီးသွားတတ်သောကြောင့် သောတ-မည်၏။ ဤအလို ရေအလျဉ်ကို ရ၏။ သောတော ၀ိယာတိ သောတော= ရေအလျဉ်နှင့်တူသောကြောင့် သောတမည်၏။

ဤအလို အဋ္ဌင်္ဂိကအရိယမဂ်-ဟူသော မဂ္ဂင်ရှစ်ပါး မြတ်တရားကို ရ၏။ ဟိမ၀န္တာတောင်မှ စ၍ စီးဆင်းလာသော ဂင်္ဂါမြစ်ရေသည် နောက်ပြန် ဆုတ်နစ်ခြင်း မရှိဘဲ သမုဒ္ဒရာအထိ ရောက်အောင် ဆက်လက်စီးဆင်း သွားသကဲ့သို့ သမ္မာဒိဋ္ဌိစသော မဂ္ဂင်ရှစ်ပါး မြတ်တရားသည်လည်း ရှေးဦးစွာ ဖြစ်ပေါ်လာရာ သောတာပတ္တိမဂ် ခဏမှစ၍ သတ္တိအင်းအား နည်းပါးဆုတ်နစ်ခြင်းမရှိ တဆင့်ထက်တဆင့် ရင့်သထက်ရင့်ကာ နိဗ္ဗာန်တည်းဟူသော သမုဒ္ဒရာသို့ ၀င်ရောက်လေတော့၏။

``ဗုဒ္ဓ ဓမ္မ၊ သံဃကိုယုံ၊ မတုန်လှုပ်ဘိ၊ အရိယကန္တ၊ သီလငါးဖြာ၊ စုံညီညာ၊ သောတာပတ္တိယင်။´´ဟူသည်နှင့်အညီ သောတာပတ္တိမဂ်၏ အင်္ဂါအစိတ်အပိုင်း သောတာပတ္တိယင်္ဂ၊ ၀ါ- တရားမှန်တော်ကြီး =ဓမ္မာဒါသ အမည်ရသော သောတာပန်ဖြစ်/မဖြစ် မှတ်ကျောက်တင် စစ်ဆေးနိုင်ဖို့ရာ အင်္ဂါလေးချက် ရှိပါသည်။

(၁) ဘုရားရှင်၌ မတုန်မလှုပ် သက်ဝင်ယုံကြည်ခြင်း၊
(၂) တရားတော်၌ မတုန်မလှုပ် သက်ဝင်ယုံကြည်ခြင်း၊
(၃) သံဃာတော်၌ မတုန်မလှုပ် သက်ဝင်ယုံကြည်ခြင်း၊
(၄) အရိယာတို့ နှစ်သက်အပ်သော ငါးပါးသီလ မကျိုးမပေါက် မပြောက်မကြားခြင်းတို့ ဖြစ်၏။
သောတာပန်ဖြစ်လျှင် ဤတရားလေးပါးနှင့် ပြည်စုံမြဲဖြစ်၏။
`
`သဟာဝဿ ဒဿနသမ္ပဒါယ၊
တယဿု ဓမ္မာ ဇဟိတာ ဘ၀န္တိ။
သက္ကာယဒိဋ္ဌိ ၀ိစိကိစ္ဆိတဉ္စ၊
သီလဗ္ဗတံ ၀ါပိ ယဒတ္ထိ ကိဉ္စိ။´´ ဟူသည်နှင့်အညီ သောတာပန်ဖြစ်သည်နှင့် တပြိုင်နက် `သက္ကာယဒိဋ္ဌိ၊ ၀ိစိကိစ္ဆာ၊ သီလဗ္ဗတပရာမာသ´ တရားသုံးပါးနှင့် ကိလေသာအချို့ကို ပယ်ရှားအပ်ပြီး ဖြစ်၏။

ထိုသောတာပန်ပုဂ္ဂိုလ်သည် ကိလေသာများ ကြွင်းကျန်သေး သော်လည်း အပါယ်လားကြောင်း မကောင်းမှုတို့ကို ပြုလုပ်ခြင်း မရှိသောကြောင့် အ၀ိနိပါတဓမ္မော= အပါယ်သို့ လားရခြင်း သဘော မရှိတော့။ နိယတော= မဂ်ဟူသော နိယာမဖြင့် မြဲသော သဘောရှိ၏။ သမ္ဗောဓိပရာယဏော= အထက်မဂ်သုံးပါးလျှင် လည်းလျောင်းရာရှိ၏။ အထက်မဂ်ကိုသာ ရဖို့ရှိ၏။ အောက်သို့ (လောကီဈာန်များကဲ့သို့ ) လျောကျရိုး ထုံးစံ မရှိ။

သို့ရကား ယခင်ဘ၀က သောတာပန်ဖြစ်ပြီးသူများသည် ယခုဘ၀၌ မဂ်ဖိုလ်ရမည်မှန်လျှင် သကဒါဂါမိ မဂ်ဖိုလ်ကိုသာ ရဖို့ အကြောင်းရှိ၏။ သောတာပတ္တိမဂ်ဖိုလ်ကို တဖန်ထပ်၍ ရဖွယ်မရှိ။ အကြောင်းကား ယခင်ဘ၀က သောတာပန်ဖြစ်ပြီးသူသည် မဂ်၏ နိယာမသဘောအရ မွေးကတည်းက သောတာပန်အဖြစ် မွေးလာ သောကြောင့်တည်း။

ထို့ကြောင့် မြတ်စွာဘုရား လက်ထက်က တရားတစ်ပုဒ် ဟောပြီးတိုင်း သောတာပန်ဖြစ်ကြသော ပုဂ္ဂိုလ်တို့တွင် ယခင်ဘ၀က သောတာပန်ဖြစ်ပြီးသူများ မပါပါ။ သကဒါဂါမ်၊ အနာဂါမ်၊ ရဟန္တာဖြစ်ကြသော ပုဂ္ဂိုလ်တို့တွင်ကား ပါနိုင်ပါသည်။

ဘ၀တစ်ခုမှ သောတာပန်ဖြစ်ပြီးသူများ လက်ရှိဘ၀တွင် မည်သို့ ထူးခြားမှု ရှိနိုင်ပါသနည်းဟူရာ၌ `ဆစ္စာဘိဌာနာနိ အဘဗ္ဗကာတုံ´ ဟူသော ရတနသုတ် ပါဠိတော်နှင့်အညီ

၁။ မာတုဃာတ= အမိ သတ်ခြင်း။
၂။ ပိတုဃာတ=အဘသတ်ခြင်း။
၃။ အရဟန္တဃာတ= ရဟန္တာသတ်ခြင်း။
၎။ လောဟိတုပ္ပါဒ= ဘုရားရှင်ကို သွေးစိမ်းတည်အောင်ပြုခြင်း။
၅။ သံဃဘေဒ = သံဃာကို ကွဲပြားအောင်ပြုခြင်း။
၆။ အညသတ္ထာရုဒ္ဒေသ =ဘုရားမှတပါး အခြားဆရာကို ကိုးကွယ်ရာဟု ညွှန်းခြင်း ( ဘာသာပြောင်းခြင်း ) ဟူသော အဘိဋ္ဌာနခြောက်မျိုးကို ယခင်ဘ၀က သောတာပန်ဖြစ်ပြီး သူသည် ယခုဘ၀၌ မိမိ၏ သောတာပန်အဖြစ်ကို မသိသော်လည်း မဂ်၏ မပြောင်းမလဲတည်မြဲသော နိယာမသဘောအရ မပြုလုပ်တော့။

ယခုဘ၀၌ ဘုရား တရား သံဃာဟု ရတနာသုံးပါး ထင်ရှားရှိလျှင် ဘာသာခြား၌ မွေးသော်လည်း အရွယ်ရောက်သော အခါ ရတနာသုံးပါးကိုသာ ယုံကြည်ကိုးကွယ်ရာ၏။
မိမိ၏ သဘောဆန္ဒအရသော်လည်းကောင်း၊ သူတစ်ပါး၏ တိုက်တွန်းချက်ကြောင့်သော်လည်းကောင်း ပါဏာတိပါတစသော အမှုတို့ကို မပြုလုပ်တော့။ (အထက်တွင် သောတာပန်သည် အမိသတ်ခြင်း စသည်တို့ကို မပြုတော့ဟု ဟောတော်မူခြင်းသည် ပုထုဇဉ်အဖြစ်ကို ကဲ့ရဲ့လို၍သာဖြစ်သည်။

အမှန်မှာ မည်သည်သတ္တ၀ါမျှ မသတ်တော့။ ပုထုဇဉ်တို့ကား သတ္တ၀ါသာမညကို ထားဘိဦး မိခင်အရင်းကိုပင် သတ်ဖြစ်ဖို့ အလားအလားရှိလေ၏။) ငါးပါးသီလကို အသက်ဟူသော အကြောင်းကြောင့်ပင် ဖောက်ဖျက်ကျူးလွန်မှု မပြုတော့။

တပါးသော သူတို့က အတင်းအကျပ် ရေနှင့်အရက်ကို ရောယှက်၍ တိုက်လျှင်ပင် ရေသာဝင်၍ အရက်မ၀င်ဟု ဖွင့်ပြကြ၏။ (မဂ်၏ အစွမ်းသတ္တိကြောင့် မမူးခြင်း၊ သို့မဟုတ် သောက်သမျှ ဓာတ်မတဲ့သကဲ့သို့ ဖြစ်ကာ အန်ထွက်ခြင်း၊ သို့မဟုတ် Alcohol ဓါတ်ပျက်ကာ H2 O ဟူသော ရေဓာတ်သာ ၀င်ရောက်သွားခြင်းကို ဆိုလို၏ ဟု ယူဆရပါသည်။)

ထိုသို့ ငါးပါးသီလမြဲခြင်း၊ အယူမမှားခြင်းတို့အပြင် သောတာပန်အဖြစ် မွေးဖွားလာသော ပုဂ္ဂိုလ်၌ အခြားသိသာသော အချက်များမှာ သမ္မာအာဇီဝနည်းဖြင့်သာ စီးပွားရှာခြင်း၊ သူတစ်ပါး ကြီးပွားချမ်းသာသည်ကို မနာလိုငြူစူသော ဣဿာ၊ မိမိစီးပွား မိမိ ရပိုင်ခွင့်များကို နှမြောတွန့်တိုသော မစ္ဆရိယများ မရှိခြင်း၊ အဂတိလေးပါး မလိုက်စားခြင်း၊ ဘုရားရှင်ကို အကြောင်းပြု၍ ဒေါမနဿမဖြစ်ခြင်း၊ လွန်ကျူးမိသော အပြစ်များကို ဖုံးကွယ်ထားမှု မရှိခြင်း စသည်တို့ ဖြစ်၏။

(ယခုခေတ် ရိပ်သာအမည်ခံ ဌာနအချို့မှ အလွယ်တကူ သောတာပန်ဖြစ်လာသူများကိုလည်း အထက်ပါ အချက်များဖြင့် တိုက်ဆိုင်ကြည့်နိုင်ပါသည်။)

ယခင်ဘ၀ သောတာပန်ဖြစ်ခဲ့၍ ယခုဘ၀သကဒါဂါမ်၊အနာဂါမ်၊ ရဟန္တာဖြစ်သွားသော သုတ္တန်များရှိလျှင် ညွှန်ပြပါ-ဟူရာ၌ ယခုဘ၀ အရ ဂေါတမဘုရားရှင် လက်ထက်ကာလကိုဆိုလိုကြောင်း နားလည် ရ၏။
သို့ဆိုလျှင် ယခင်ဘ၀အရ အဘယ်ကာလကို ယူရမည်နည်းဆို သော် ကဿပဘုရှင်၏ သာသနာတွင်းကာလကို ယူရမည်ဖြစ်၏။ ကဿပဘုရားရှင်လက်ထက်နှင့် ဂေါတမဘုရားရှင်လက်ထက်သည် လည်း ကာလအားဖြင့် များစွာကွာခြား၏။ သောတာပန်အမျိုးအစားသုံး မျိုးတွင်လည်း ကာမဘုံ၌ ၂-်ဘ၀မှ ၆ ဘ၀အထိ ဖြစ်နိုင်၏။

သတ္တက္ခ တ္တုပရမ သောတာပန်သည် ကာမဘုံ၌ ၇ ဘ၀သာဖြစ်နိုင်၏။ ´ကိဉ္စာပိ တေ ဟောန္တိ ဘုသံ ပမတ္တာ.န တေ ဘ၀ံ အဋ္ဌမ မာဒိယန္တိ`ဟူသော ရတနသုတ်ပါဠိတော်နှင့်အညီ သတ္တက္ခတ္တုပရမ သောတာပန်သည် အကယ်၍ မေ့မေ့လျော့လျော့ ပေါ့ပေါ့ဆဆနေမိစေကာမူ ကာမဘုံ၌ ရှစ်ဘ၀အထိဖြစ်သည်ဟူ၍မရှိ။ ၇ နှစ်ဘ၀အတွင်း အထက်မဂ်ဖိုလ်ရ လျှင်ရ၊ မရလျှင် ဈာန်ရ၍ ဗြဟ္မာ့ပြည်၌ဖြစ်ရ၏။

ထို့ကြောင့် နောက် ဘုရားရှင် လက်ထက်ကျမှ သာဝကအဖြစ် ဘုရားရှင်ကို ဖူးတွေ့ခွင့်ရ ကာ အထက်မဂ်ဖိုလ်ရပါလိုကြောင်း ဆုတောင်းခဲ့သူများမှအပ ကြုံ ကြိုက်၍ ဖြစ်ကြသူ နည်းပါးဖွယ်ရှိ၏ဟု ယူဆရ၏။

အကယ်၍ နတ်ပြည်ချည်းသက်သက် သို့မဟုတ် လူ့ပြည်ချည်း သက်သက် ဆက်တိုက်ဖြစ်ခဲ့သော် ဘ၀တစ်ရာပင် ဖြစ်စေကာမူ တစ် ဘ၀သာ ရေတွက်ရမည်ဟူသော ၀ါဒအရသော် သောတာပန်ပုဂ္ဂိုလ်၏ ကာမသုဂတိ ၇ ဘ၀ဟူသော သက်တမ်းသည် ဘုရားတစ်ဆူနှင့် တစ် ဆူကြားဟူသော အပိုင်းအခြားကာလ၌ ဖြစ်နိုင်ခွင့်အလားအလာများ စွာရှိပါသည်။

ထိုသို့သောဖြစ်နိုင်ခွင့်များထဲမှ အနီးစပ်ဆုံးတွေ့ရှိရသည့် သက် သေတစ်ခုမှာ အဂုင်္တ္တရနိကာယ်လာ သုမနသုတ္တန်ဖြစ်ပါသည်။

ကဿပဘုရားရှင်လက်ထက်တွင် မိတ်ဆွေရဟန်းနှစ်ပါး ရှိခဲ့၏။ ထိုရဟန်းနှစ်ပါးသည် တစ်ပါးနှင့်တစ်ပါး အတွေးအခေါ် အယူအဆမ တူကြပေ။တစ်ပါးသောရဟန်းသည် သာရဏီယ၀တ်ကို ဖြည့်ကျင့်၏။ ကျန်တစ်ပါးသည် ဘတ္တဂ္ဂ၀တ်ကို ဖြည့်ကျင့်၏။ သာရဏီယ၀တ်ဖြည့် ကျင့်သောရဟန်းသည် ဘတ္တဂ္ဂ၀တ်ဖြည့်ကျင်သော ရဟန်းအား `ငါ့ရှင် မပေးမလှူသူအား အကျိုးတရားမည်သည်မရှိ၊

မိမိရရှိသည့်အထဲမှ သူတစ်ပါးတို့အား ပေးလှူပြီးမှသာ ဘုဉ်းပေးသင့်၏`ဟု ပြောဆို၏။ ဘတ္တဂ္ဂ၀တ်ဖြည့်ကျင့်သော ရဟန်းသည် `ငါ့ရှင် သင်သည်ဘာမျှသိသူ မဟုတ်၊ရဟန်းမည်သည် သူတစ်ပါးတို့ပေးလှူအပ်သောအရာကို ဖရိုဖ ရဲ လုပ်မပစ်သင့်၊ မိမိအတွက် သင့်တော်မျှတရုံသာ ခံယူ၍ ဘတ္တဂ္ဂ၀တ် ကိုဖြည့်ကျင့်သင့်၏`ဟု ပြန်လည်ပြောဆိုပါသည်။

ထိုနှစ်ပါးသော ရဟန်းတို့သည် တစ်ပါး၏ အယူအဆကို တစ်ပါး က လက်မခံနိုင်ကြဘဲ လွတ်လပ်စွာ သဘောကွဲလွဲခဲ့ကြကာ အခင်အ မင်မပျက် မိမိတို့၏ ကျင့်ဝတ်ကို ကျင့်ကြံကြပြီး ထိုဘ၀မှ သေလွန် သောအခါ နှစ်ပါးစလုံးနတ်ပြည်သို့ရောက်ကြ၏။ နတ်ပြည်ရောက် သောအခါ သာရဏီယ၀တ်ကို ဖြည့်ကျင့်သောရဟန်းသည် ဘတ္တဂ္ဂ ၀တ်ဖြည့်ကျင့်သောရဟန်းထက် အာယု၊၀ဏ္ဏ၊သုခ၊ ယသ၊ အာဓိပစ္စဟူ သော တရားငါးမျိုး သာလွန်ကဲပို၏။

ထိုသို့ဖြင့် ထိုနှစ်ဦးတို့သည် လူ့ပြည် နတ်ပြည်ကျင်လည်ပြီး ဘုရားတစ်ဆူ၏ ကြားကာလကုန်ဆုံးကာ ဂေါတမဘုရားရှင်၏ ကာလ တွင် သာဝတ္ထိပြည်၌ လာဖြစ်ကြ၏။

သာရဏီယ၀တ်ကို ဖြည့်ကျင့် သော ရဟန်းသည် ကောသလမင်းကြီး၏ မိဖုရားခေါင်ကြီးဝမ်း၌ ပဋိ သန္ဓေတည်၏။ ဘတ္တဂ္ဂ၀တ်ကို ဖြည့်ကျင့်သော ရဟန်းသည် ကော သလမင်းကြီး၏ အလုပ်အကျွေးမိန်းမ၀မ်း၌ ဖြစ်၏။ ထိုနှစ်ဦးသည် တစ် နေ့တည်းမှာပင် မွေးဖွားကြ၏။ နာမည်မှည့်သောနေ့တွင် သူတို့နှစ်ဦး အား ရေချိုးပေးကာ ကျက်သရေတိုက်ခန်းမှာ သိပ်ထား၏။ သာရဏီယ ၀တ်ကို ဖြည့်ကျင့်ခဲ့သောကလေးသည် မျက်စိဖွင့်ကြည့်ကာ ထီးဖြူကြီး နှင့် ကောင်းမွန်စွာခင်းထားအပ်သော ကျက်သရေခန်း၊ တန်ဆာဆင် ထားအပ်သော အိပ်ရာနေရာတို့ကို တွေ့မြင်ရသည့်အခါ မင်းမျိုးတစ်ခု တွင် လာဖြစ်နေသည်ကို သိရှိလိုက်၏။

`ငါ ဘယ်လိုကံတွေကိုပြုခဲ့လို့ ဒီမှာလာဖြစ်ရတာပါလိမ့်´ဟုဆင်ခြင်သည့်အခါ ´သာရဏီယ၀တ်ကို ဖြည့်ကျင့်ခဲ့လို့`ဟု သိရှိပြီး ´ငါ့မိတ်ဆွေ ဘယ်မှာဖြစ်နေပါလိမ့်´ ဟု ဆင်ခြင်သည့်အခါ သူ့နံဘေး အိပ်နေရသည့်အဖြစ်ကို တွေ့ရှိပြီး နှိပ် ကွပ်လို၍-
´သူငယ်ချင်း မင်းက ငါ့စကားကိုမှ နားမထောင်ခဲ့ဘဲကိုး´ ဟု ပြော၏။

´နားမထောင်တော့ ဘာဖြစ်လဲ`
´ငါ့ရဲ့ပြည့်စုံမှုကိုကြည့်လေ၊ ထီးဖြူကြီးရဲ့အောက် ကျက်သရေခန်းဆောင်မှာ အိပ်ရတယ်၊ မင်းကတော့ ခုတင်နိမ့်နိမ့် အခင်းကြမ်းကြမ်းကြီးပေါ်မှာ အိပ်ရတယ်´
`
မင်းက ဒါကို အမှီပြုပြီး မာနတက်နေတာလား၊ ၀ါးနှီးပြားတွေနဲ့ လုပ်ထားပြီး အ၀တ်ပိုင်းတွေနဲ့ ရစ်ပတ်ထားတာတွေ ချည်းပါပဲ။ ဒါတွေအားလုံးဟာ ပထ၀ီဓာတ်တွေချည်းပဲ မဟုတ်လား´ဟု အပြန်အလှန် ပြောဆိုနေကြ၏။

ထိုအချိန်တွင် သုမနမင်းသမီးက စကားသံကြား၍ သွားရောက်နားထောင်ရာ ဓာတု-ဓာတ်ဟူသော အသံကို ကြားသဖြင့် `ရဟန်းနတ်သားတွေ ဖြစ်ခဲ့ရမည်´ ဟု ကြံစည်ပြီး `မိဘတွေကို ပြောလို့ မဖြစ်သေးဘူး´ဟု ယူဆကာ ဘုရားရှင်အား သွားရောက်လျောက်ထား၏။

(အကျယ်ကို အင်၊မြန်၊၂၊၃၅-တွင် ကြည့်လေ။)
ထိုသုမနသုတ်တွင် ဘုရားရှင်က သာရဏီယ၀တ်ကို ဖြည့်ကျင့်သောရဟန်းကို ဒဿနသမ္ပန္နော-ဟု သုံးနှုန်းတော်မူ၏။ အဋ္ဌကထာတွင် `ဒဿနသမ္ပန္နောတိ သောတာပန္နော။ = ဒဿနသမ္ပန္န- ဉာဏ်အမြင်နှင့် ပြည့်စုံသူဟူသည် သောတာပန် ပင်တည်း။ -ဟု ဖွင့်ပြ၏။ (အံ။ဋ္ဌ၊၃၊ ၁၇)

သို့ရာတွင် ထိုကလေးများ အထက်မဂ်ဖိုလ် ရသည်ဟူ၍ကား မတွေ့မိပါ။ ဖြစ်ဖို့အလားအလာ များစွာရှိသဖြင့် ဖော်ပြလိုက်ပါသည်။ ကျမ်းဂန်နှံ့စပ် ပုဂ္ဂိုလ်မြတ်တို့ကို ထပ်၍ မေးပါလေဦး။
အရှင်ကောဝိဒ (ယော)

မြတ်စွာဘုရား ဟောထားသော လူလေးမျိုးအကြောင်း

လူ.. လူချင်း.. တူတာတောင်မှ လေးမျိုးခွဲခြား ထားပါတယ်။ လူအများစု ကတော့ ထင်ကြမယ်..။ ဘာတွေများ ကွဲသလဲပေါ့..။ ဘုရားရှင် ဟောကြားခဲ့တဲ့ လူလေးမျိုးကတော့ တော်တော်လေးကို ကွဲပါတယ်။ စာဖတ်သူလည်း လူလေးမျိုး ဆိုတာကို သိပြီးရင် ကိုယ်ဟာ ဘယ်လိုလူမျိုးထဲမှာ ပါတယ်ဆိုတာလေးကို ဝေဖန်ဆန်းစစ်ပြီး

ကောင်းသထက် ကောင်းအောင် ပြုပြင်ဖို့ လိုအပ်ပါတယ်။ လူစစ်စစ် ဖြစ်ဖို့.. အပါယ်တံခါး ပိတ်ဖို့.. ဗုဒ္ဓဘာသာ စစ်စစ်ဖြစ်ဖို့ ဘာတွေ လိုအပ်တယ် ဆိုတာလေး ဘုရားရှင် ဟောကြားခဲ့တဲ့ လူလေးမျိုးနဲ့ တိုက်ကြည့်ကြရအောင်..။ အရင်ဆုံး လူလေးမျိုးနဲ့ မိတ်ဆက်ပေးပါ့မယ်..။


လူ(၄)မျိုးက ဘာတွေလဲဆိုတော့…

(၁) လူ့ငရဲသား
(၂) လူ့တိရစ္ဆာန်
(၃) လူ့ပြိတ္တာ
(၄) လူ့ ပရမတ္တ ပါပဲ။


(၁) လူ့ငရဲသား
လူ့ငရဲသား ဆိုတာကတော့…။ တချို့ လူတွေဟာ လူတော့ ဖြစ်လာကြပါတယ်။ ဒါပေမယ့် ဘာသာရေးနဲ့ ပါတ်သတ်ရင် ဘာဆိုဘာမှ မသိ.. စိတ်လည်းမ၀င်စား.. ကိုယ့်အဘိုး၊ အဘွား၊ အဖေ၊ အမေတွေက ဗုဒ္ဓဘာသာတွေ ဖြစ်လို့သာ မိရိုးဖလာ ဗုဒ္ဓဘာသာ ဖြစ်လာရတယ်။ တရားစာပေလည်းမဖတ်၊ တရားလည်းမနာ၊ သံဃာတော် မြတ်တွေဆီ တရားတွေ မေးမြန်းရမှန်းလည်းမသိ၊ ကုသိုလ်ဆိုတာကို ဘယ်လိုမှ စိတ်မ၀င်စားပါဘူး။ လူ့ဘ၀ရဲ့ အနှစ်သာရကို လုံးဝနားမလည်ပဲနဲ့ စီးပွားတွေ မတရားတဲ့နည်းနဲ့ ရအောင်ရှာပါတယ်။ ဘယ်သူဘာဖြစ်ဖြစ် ကိုယ်ကောင်းစားရင်ပြီးရော လိမ်ညာပြီးတော့ စီးပွားတွေ ရှာပါတယ်.. ရလာတဲ့ ဥစ္စာပစ္စည်းကိုလည်း ကုသိုလ်ဖြစ်စေမယ့် နေရာတွေမှာ အသုံးမပြုဘဲ အကုသိုလ် ဖြစ်မယ့် နေရာတွေမှာသာ သုံးဖြုန်းပြစ်ပါတယ်။ နောက်ဆုံး မကောင်းတဲ့ အသက်မွေးဝမ်းကြောင်း နဲ့ လုပ်ကိုင်တဲ့အတွက် ရာဇ၀တ်မူသင့်ပြီး ထောင်ကျတဲ့ဘ၀ကို ရောက်ရပါတယ်။
ထောင်ကျတော့လည်း ကျွန်လို တိရိစ္ဆာန်လို အခိုင်းခံရ..။ ထောင်ကျသွားပြီဆိုတော့.. သူတို့တွေဟာ ငရဲပြည်မှာ ငရဲကျတဲ့သူတွေလိုပါပဲ.. ဒါန၊သီလ၊ဘာဝနာ ဆိုတဲ့ ကုသိုလ်တရားတွေ ဘယ်လိုမှ လုပ်ခွင့် မရကြပါဘူး။ လူ့ဘ၀ကိုသာ ရလာတယ်.. လူ့ဘ၀ရဲ့ အနှစ်သာရကို ဘာတစ်ခုမှ သိမသွားလိုက်ရဘဲ.. ငရဲသားအဖြစ်မျိုးနဲ့ ဘ၀ကို ဆင်းရဲပင်ပန်းစွာ ပေးဆပ်ပြီး နေထိုင်သွားပါတယ်။ ဒီလိုလူမျိုးကိုတော့ ဘုရားရှင်က လူ့ငရဲသားလို့ ဟောကြားခဲ့ပါတယ်။

(၂) လူ့တိရစ္ဆာန်
လူ့တိရိစ္ဆာန် ဆိုတာကတော့..။ ဒီအချက်ကတော့ ရှင်းပါတယ်..။ တိရစ္ဆာန်လိုပါပဲ.. အိပ်တယ် စားတယ် ကာမဂုဏ် ခံစားတယ်.. ဒါန၊ သီလ၊ ဘာဝနာဆိုတဲ့ ကုသိုလ်တရားတွေ ဘာမှမလုပ်ပါဘူး။ စီးပွားတွေတော့ ကြီးပွားအောင်ရှာပါရဲ့..။ ဒါပေမယ့် ရရှိလာတဲ့ ငွေကြေးကို အိပ်၊ စား၊ ကာမ ဆိုတဲ့ သုံးခုအတွက်ပဲ အသုံးချတယ်။ ဒီသုံးခုကလွဲရင် ကုသိုလ်အလုပ် ဘာမှ မလုပ်ပါဘူး။ အဲ့လို လူစားမျိုးကိုတော့ ဘုရားရှင်က လူအစစ် မဟုတ်ပါဘူးတဲ့.. လူ့တိရစ္ဆာန်လို့ ဟောကြားခဲ့ပါတယ်။ ဆရာတော် အရှင်ဇ၀န ဟောပြဆုံးမထားတဲ့ စာသားလေးနဲ့ လူနဲ့တိရစ္ဆာန် ခွဲခြားတာလေးကို ဖော်ပြလိုပါတယ်..

လူနဲ့တိရစ္ဆာန် ခြားနားဟန် နှစ်တန်သိရမည်
အိပ၊် စား၊ ကာမ သိရုံမျှ မှတ်ကြလူမပီ
အကုသိုလ်ပါယ် ကုသိုလ်ဆွယ် တကယ်လူပီသည်
လူမပီက အပါယ်ကျ ဒုက္ခမလွတ်ပြီ
လူပီနေက ချမ်းသာရ ရောက်ရနိဗ္ဗာန်ဆီ တဲ့။

(၃) လူ့ပြိတ္တာ
လူ့ပြိတ္တာ ဆိုတာကတော့..။ ပြိတ္တာလို့ ဆိုလိုက်ပြီဆိုရင်ကို တစ္ဆေ၊ သရဲ၊ မှင်စာ၊ ဥစ္စာစောင့် အားလုံးဟာ ပြိတ္တာထဲမှာ ပါပါတယ်။ ပြိတ္တာတွေဟာ သူတို့ဝမ်းရေးကို တစ်သက်လုံး ပင်ပန်းဆင်းရဲစွာနဲ့ ရှာစားကြရတာပါ။ နောက်ပြီး ဘယ်တော့မှလည်း အစားဝတယ်ဆိုတာ မရှိပါဘူး။ ပြီးတော့ သူတို့ဟာ ကောင်းကောင်းမွန်မွန် မစားရဘဲနဲ့ လူတွေထွေးတဲ့ တံတွေးတွေ နှပ်တွေ သလိပ်တွေ ကောက်စားရတာပါ။ ၀မ်းရေးတစ်ခုကိုပဲ ရှာစားကြရင်းနဲ့ သေသွားကြရတာပါ။ ဘာကုသိုလ်မှလည်း လုပ်သွားလို့ မရလိုက်ပါဘူး။ ဒီလိုပါပဲ.. တချို့ လူသားအချို့ဟာလည်း ဆင်းရဲပင်ပန်းစွာ ဘ၀ကို ဖြတ်သန်း ရပါတယ်။ ဆင်းရဲပင်ပန်းတာနဲ့ အမျှ ကုသိုလ်တရားတွေမေ့ပြီး ၀မ်းရေးတစ်ခု အတွက်ပဲ လုံးပန်းကြပါတယ်။ ၀မ်းဝရုံတမယ် စားရတဲ့အတွက်လည်း ဘာဒါနမှ လုပ်မသွားနိုင်ပါဘူး.. ဘာကုသိုလ်မှလည်း လုပ်မသွားနိုင်ပါဘူး။ ဆင်းရဲဒုက္ခတွေ များတဲ့အတွက် ၀မ်းရေးရှာပြီး ဘ၀ကို နိဂုံးချုပ် သွားကြရပါတယ်။ ဒီလိုမျိုး.. ဆင်းရဲဒုက္ခပေါင်း များစွာနဲ့ ၀မ်းရေးတစ်ခုပဲရှာပြီး ကုသိုလ်အလုပ် လုပ်မသွားတဲ့ လူမျိုးကျတော့ ဘုရားရှင်က ဟောကြား ထားခဲ့ပါတယ်။ လူ့ပြိတ္တာပါတဲ့။

(၄) လူ့ ပရမတ္တ ပါပဲ
နောက်ဆုံး လူစစ်စစ်ကတော့ လူ့ ပရမတ္တပါ။ လူ့ပရမတ္ထ ဆိုတာကတော့ စီးပွားရေးကို သမာအာဇီဝ ကျကျရှာတယ်။ မတရားတာဆို ဘာတစ်ခုမှ မလုပ်ပါဘူး။ ကောင်းတဲ့ သမာအာဇီဝလုပ်ငန်းနဲ့ စီးပွားကို သမာသမက်ကျကျ ရှာဖွေတယ်။ ဒီအချက်ထဲမှာ သမာအာဇီဝအကြောင်း ပြောမယ်ဆိုတော့ မိစ္ဆာအာဇီဝဆိုတာလေး ပြောပြလိုပါတယ်။ မိစ္ဆာအာဇီဝ (၅)မျိုးရှိပါတယ်။ အဲ့ဒါတွေကတော့

(၁) သတ္တ၀ါတွေ သေစေနိုင်သော လက်နက်များ ကုန်ကူးခြင်း၊
(၂) သတ္တ၀ါတွေ သေစေနိုင်သော အဆိပ်များ ကုန်ကူးခြင်း၊
(၃) သားငါးများ ကုန်ကူးခြင်း၊
(၄) အရက်သေစာများ ကုန်ကူးခြင်း၊
(၅) ကျွန်အဖြစ်၊ ပြည့်တန်ဆာအဖြစ် အသုံးပြုရန်လူများ ကုန်ကူးခြင်း ဆိုတဲ့ အချက်တွေပဲ ဖြစ်ပါတယ်။

ဒီအထဲက လွတ်သွားပြီ ဆိုပြီးလည်း သမာအာဇီဝကျပြီလို့ ယူစလို့ မရပါဘူး။ မိမိသူတစ်ပါး နှစ်ဦးစလုံး နစ်နာစေမယ့် စီးပွားမျိုးဆိုရင်လည်း မိစ္ဆာအာဇီဝ ဖြစ်ပါတယ်။

ဥပမာ.. စားသောက် ကုန်ဆိုင်ဖွင့်ပြီး ပစ္စည်းဈေးတွေ မတန်တဆ ဈေးတင်တာတွေ..
ပစ္စည်းအတုကို အစစ်ဆိုပြီးတော့ ရောင်းတာတွေ..
နောက်ပြီး သူတစ်ပါးတွေကို လိမ်ညာပြီး မကောင်းတာကို
အကောင်းပါလို့ ပြောပြီး ရောင်းတဲ့ဟာတွေ..

ဒါတွေ အားလုံးဟာ ဒီမိစ္ဆာအာဇီဝထဲမှာ အကျုံးဝင်ပါတယ်။ ဒီလောက်ဆို အားလုံးကို ချဲ့တွေးလို့ ရလောက်ပါပြီ။ ကဲ.. လူ့ပရမတ္တ အကြောင်းလေး ဆက်ရအောင်။ လူ့ပရမတ္တကတော့ စီးပွားရှာရတဲ့ အကြောင်းကို သေချာနားလည်တယ်လို့
ပြောလို့ရပါတယ်။ သူကတော့ စီးပွားရှာရတာကို ဘယ်လို နားလည်လည်းဆိုတော့.. ဒီစီးပွားရှာရတဲ့ အကြောင်းကိုက ဒါနပြုဖို့.. သာသနာကို အကျိုးပြုဖို့ ဆိုတဲ့ ရည်ရွယ်ချက်.. နောက်ပြီး… ဒီဥစ္စာတွေဟာ တစ်ဘ၀ပဲ သုံးရတယ်ဆိုတာ သိပြီးတော့ သံသရာထိပါအောင် ယူသွားတတ်တဲ့သူပါ။ လူ့ဘ၀ရဲ့ အနှစ်သာရကို နားလည်ပြီးတော့ မိမိသူတစ်ပါး အကျိုးရှိအောင် လုပ်ဆောင် သွားတဲ့လူ…။ အဲ့လိုမျိုး စီးပွားရော ကုသိုလ်ရော နှစ်မျိုးလုံးတိုးပွားအောင် ကြိုးစားပြီး ဘ၀ကိုအကျိုးရှိရှိ အသုံးချတဲ့ လူကိုတော့ … ဘုရားရှင်က လူ့ပရမတ္ထလို့ ဟောပြ ဆုံးမထားပါတယ်။

ဒီလောက်ဆိုရင် ကျနော်တို့တွေဟာ လူလေးမျိုးအကြောင်း သိသွားပါပြီ။ သိသွားပြီဆိုရင် ကိုယ်ဟာ ဘယ်လိုလူထဲမှာ ပါတယ်ဆိုတာကို စဉ်းစားဆင်ခြင်လိုက်ပါ။ စဉ်းစားပြီးပြီ ဆိုတာနဲ့.. လူလေးမျိုးထဲမှာ ဘုရားရှင် သာဓုခေါ်တဲ့ လူ့ပရမတ္ထစစ်စစ် ဖြစ်အောင် ကြိုးစားဖို့ လိုပါတယ်။ လူ့ဘ၀ရဲ့ အနှစ်သာရကို တကယ်နားလည်ပြီးတော့… လူ့ပရမတ္ထစစ်စစ်ဖြစ်အောင် ကြိုးစားရင်း.. တဆင့်ထက်တဆင့် မြင့်သထက်မြင့်အောင် ကြိုစားကျင့်ကြံရင်းဖြင့် မဂ်ဖိုလ်နိဗ္ဗာန်ကို အမြန်ဆုံး တက်လှမ်းနိုင်ကြပါစေ…။။။

(မှတ်ချက်)ဓမ္မမေတ္တာဆိုဒ်မှမျှဝေတင်ပြလိုက်ပါသည်

အစာအိမ်ရောဂါပျေက်တဲ့ သဘာဝဆေးနည်း

အစာအိမ်ရောဂါအတွက် ဆေးအမျိုးမျိုးသုံးပြီး မသက်သာလို့ စ်ိတ်ညစ်နေသူများ အောက်ပါ သဘာဝဆေးနည်းလေးကို သုံးကြည့်နိုင်ပါတယ်။ လက်တွေ့ ပျောက်တဲ့ဆေးနည်းလေးမို့ ပြန်လည်မျှဝေပေးလိုက်ပါတယ်။

ပါဝင်သော ပစ္စည်းများ-
၁။ အာလူးစိမ်း
၂။ ဂျင်း
၃။ ပျားရည်
ပြုလုပ်နည်း
၁။ အာလူး ၁၅ ကျပ်သား (၃ လုံး၊ ၄ လုံးခန့်) ကို ရေစင်အောင်ဆေးပြီး အခွံမခွါပဲ နုတ်နုတ်စင်းလိုက်ပါ။
၂။ ရေအနည်းငယ်ဖြင့် ဆန်ပြုတ် ပြုတ်သကဲ့သို့ ပြုတ်ပေးပါ။
၃။ ဂျင်းအနည်းငယ်ကို ထည့်ပေးပါ။ (ရင်ပြည့်ရင်ကယ်မဖြစ်စေရန်)
၎။ ၄င်းအာလူးစိမ်းပြုတ်ရည်ကို ပျားရည်စစ်စစ် တစ်ဇွန်းခန့်ထည့်ပြီး သောက်ပါ။
၂ ပတ်ကို တစ်ကြိမ်ခန့် သောက်ပေးပါက အစာအိမ်ရောဂါ ပျောက်ကင်းသွားပါလိမ့်မယ်။
(သတိပြုရန်)
၁။ အစိမ်းရောင်ဖြစ်နေသော အားလူးများကို လုံးဝမသုံးရပါ။ အစိမ်းရောင်ဖြစ်နေသော နေရာများကို ကွင်းပြီး ထုတ်ပစ်ရမည်။
၂။ အားလူးမှာ ကစီဓါတ်များစွာပါဝင်နေသည့်အတွက် ဆီးချို၊ သွေးချိုသမားများအတွက် သောက်ရန် မသင့်ပါ။
အစာအိမ်သမားများ ရောဂါသက်သာပျောက်ကင်းပြီး ကျန်းမာချမ်းသာကြပါစေ။
စောနွဲ့ နေဆိုင် (ပူတာအို)
ကိုးကား။ ။ တိုင်းရင်းဆေးစွမ်းကောင်း
ကျန်းမာရေးသတင်းများ

ဗုဒ္ဓရဲ့ဝါဒ... ခန္တီ

ခန္တီ. . . မြေကြီးပေါ်မှာ ဒီလူတွေ နေတယ်၊ ဒီလူတွေ နေ့တိုင်း. . .,
စကားလုံးလေး နဲနဲရုိုင်းရိုင်းလေးပြောရင် ခန္တီအဓိပ္ပါယ် ပိုရှင်းတယ်။
သည်းခံပြီးနားထောင်ပါ၊ ဂမ္မဒေါသရောက်တယ်လို့ အပြစ်မတင်ပါနဲ့၊
ဒီမြေကြီးပေါ်မှာ နေတဲ့ ဒီလူတွေ ဒီမြေကြီးပေါ်မှာ ဒီလူတွေ ချေးယို
တယ်၊ သေးပေါက်တယ်။ မြေကြီးဘယ်တော့မှ reject-မလုပ်ပါဘူး။
ယိုချင်တိုင်း ယို၊ အရှိ အရှိအတိုင်းထား။ ဒီလူတွေပဲ ဒီမြေကြီးကို လှ
ချင်လို့ ပန်းတွေနဲ့ အလှပြင်ပြန်ရော…၊ ဟာ…ငါ့မြေကြီး သိပ်လှနေပြီ
ဆိုပြီးတော့ စိုက်ထားတဲ့ ပန်းပင်တွေကို ဒီမြေကြီးက attach-လည်း
မဖြစ်လို့ accept- လည်း မလုပ်ပါဘူး။ လှလို့လည်း မမက်မောဘူး။
ညစ်ပတ် အရုပ်ဆိုးလို့လည်း စိတ်မပျက်ဘူး ။ အဲဒါဟာ quality ,
qualification of leader . ခေါင်းဆောင်တွေမှာ ဒါဟာ အရေးကြီး
တဲ့ အရည်အချင်းပဲ။ ကောင်းချင်တိုင်းကောင်း မမက်မောဘူး ၊ ဆိုး
ချင်တိုင်းဆိုး စိတ်မပျက်ဘူး။ မြေကြီးနဲ့ တူတဲ့အကျင့် ခန္တီခေါ်တယ်။
အကျယ်တ၀င့်ပြောဖို့ ဘုန်းကြီးတို့ ဒီနေ့ အချိန်မယူပါဘူး ။ နိဒါန်း
လောက်ပြောရင် ဘုန်းကြီးတို့တရားတွေ ရှာပြီးနာပါ။ ခန္တီ။ "အမှာကံ
ဗုဒ္ဓေါ အဟု ခန္တိဝါဒေါ " ။ တို့ဗုဒ္ဓဟာ ဘာဝါဒလဲ ? ခန္တီဝါဒပါဘုရား။
အားလုံးမြေကြီးလို ကျင့်သုံးကြရမယ်။ မကောင်းဆိုးဝါးတွေ လာချင်
တိုင်းလာ စိတ်မပျက်ပါဘူး ။ အကောင်းနဲ့ အဆိုးတွေ ပေးချင်တိုင်း
ပေး၊ မမက်မောပါဘူး။ ခန္တီတရား . . . ဒါဟာ ဗုဒ္ဓရဲ့ ၀ါဒပဲ။

( သီတဂူဆရာတော် အရှင်ဥာဏိဿ      ရ)

ရိပ်သာဆိုတာ အမေတွေအတွက်နားခိုရာ နေရာမဟုတ်ပါ

မနုဿ        အကြောင်းရာလေးကို ရေးရခြင်းအကြောင်းရင်းက အခုခေတ်လူတွေတော်တောများများ အလုပ်အတွက်သာအချိန်ပေးနိုင်ကြပြီး အသက်ရွယ်ကြီးရင့်နေတဲ့ မိဘတွေကို အချိန်မပေးနိုင်တာကိုတွေ့ရပါတယ်။ တကယ်တမ်းကိုယ်ပြုစုပေးနိုင်ချိန်မှာ လုပ်ပေးနိုင်သမျှ ပြန်လုပ်ပေးတာက တကယ်တော့ ဘာမှအပန်းမကြီးပါဘူး။ ငယ်ငယ်တုန်းက သူတို့တွေကိုယ့်ကိုကြည့်ရှုစောင့်ရှောက်ခဲ့တာနဲ့ တိုင်းတာရင် အချိန်အတိုင်းတာနဲ့ တိုင်းမယ်ဆိုရင်တောင် အပုံကြီးကွာပါတယ်။
ဒီတော့ ဒီစာလေးဖတ်ပြီး ကိုယ်ကိုယ်တိုင်ရော ကိုယ့်ပတ်ဝန်းကျင်ကလူတွေပါ ဖတ်ရှုစေပြီး အသက်ရွယ်ကြီးရင့်တဲ့ မိဘတွေရဲ့ခံစားချက်ကို နားလည်သဘောပေါက်ပြီး အမြင်မှန်ရနိုင်ကြပါစေ။
*************************

“ ပေါ့ရင်ပေါ့ပြန်ပြီ ၊ လေးရင်လေးပြန်ပြီ နဲ့ ဘာမှကိုအဆင်ပြေတယ်မရှိဘူး အမေဘာစားချင်လဲပြော ပြော ပြော “ ချွေးမလုပ်သူရဲ့ မြည်တွန်တောက်တီးနေချိန်မှာ သားလုပ်တဲ့သူကလည်း အလုပ်ကနေပြန်လာတော့ မိန်းမလုပ်သူ အမေလုပ်တဲ့သူကို ဆူပူနေတာမြင်တော့ သားလုပ်သူက ၀င်ပြီးတော့ ချက်ထားတဲ့ဟင်းကို မြည်းကြည့်ရင်း
“ မင်းကို ပြောထားတယ်မဟုတ်လား အမေက ရောဂါသည် အသက်ကြီးပြီး ဒါမျိုးလေးတာတွေ မစားနိုင်ပါဘူးဆိုတာကို မင်းကွာ မှာထားရက်နဲ့ “
“ ဒါဆိုလည်းနောက်ကို ရှင့်အမေကို ရှင်ပဲချက်ကျွေးတော့ “ ဆိုပြီး ချွေးမလုပ်သူက စိတ်ဆိုးပြီး အိပ်ခန်းတံခါးဝုန်းကနဲ့ပိတ်ပြီး ၀င်သွားပါတယ်။ အမေလုပ်သူက မျက်နှာငယ်လေးနဲ့ သားဖြစ်သူကိုတစ်ချက်လှမ်းကြည့်လိုက်တော့
“ လာအမေ အမေ့အတွက်သား ခေါက်ဆွဲတစ်ပွဲချက်ပေးမယ်နော်။ ခဏတော့စောင့် ပြီးတော့အမေ့ကိုလည်း ပြောစရာရှိသေးတယ် “
“ သားပြောစရာရှိတာ အရင်ပြောလေ အမေလည်း ဗိုက်မဆာသေးပါဘူး “
“ ဒီလိုအမေရာ နောက်လဆို သားရာထူးတိုးပြီဆိုတော့ အလုပ်ကအရင်ထက်ပိုများလာတော့မှာ နောက်ပြီး အချိန်ပိုတွေလည်းပိုဆင်းရတော့မယ် နောက်ပြီး အမေ့ချွေးမကလည်း အိမ်မှာချည်းမနေချင်ဘူး အလုပ်ထွက်လုပ်ချင်တယ်ဆိုတော့ …… “
အမေလုပ်သူက သားရဲ့စကားအသွားအလာကိုနားထောင်ရင်း မျက်ရည်ဝဲကာ
“ အမေ့ကို ဘိုးဘွားရိပ်သာတော့မပို့လိုက်ပါနဲ့ “
သားဖြစ်သူက အမေလှမ်းပြောလိုက်တဲ့စကားကြောင့် အနည်းငယ်တွေဝေသွားကာ ခေါင်းထဲမှာချက်ချင်းအကြောင်းပြချက်ကောင်းကောင်းတစ်ခုကို ရှာဖွေလိုက်ပါတယ်။
“ အမေ … ရိပ်သာက ဘယ်လောက်ကောင်းလဲ ..အမေလည်းသိသားနဲ့ အမေ့ချွေးမအလုပ်လုပ်ပြီဆိုတာနဲ့ အိမ်မှာအမေ့ကိုကြည့်ပေးမဲ့သူမရှိရင် အမေတစ်ယောက်တည်း ဘယ်လိုအဆင်ပြေမလဲ ။ နောက်ပြီး ဟိုမှာက အမေ့တွက် အဖေါ်လည်းရှိတယ် ။ ပြုစုပေးမဲ့သူတွေလည်းရှိတော့ အမေလည်းမပျင်းရတော့ဘူးပေ့ါ ၊ နောက်ပြီး သားဒီနေ့နေ့လည်က သွားပြီးစာရင်းသွင်းပေးပြီးပြီ “
စကားလည်းဆုံးရော သားလုပ်သူက ရေချိုးဖို့ သုတ်သုတ်သုတ်သုတ်နဲ့ အိပ်ခန်းထဲဝင်သွားတော့ အမေလုပ်သူခမျာ အိမ်ရှေ့မှာ မျက်ရည်လေးကျပြီး ကျန်ခဲ့ရပါတော့တယ်။


သူငယ်ချင်းတွေက “ မင်းနဲ့နောက်ပိုင်းဆက်နေရမှာက မင်းမိန်းမနဲ့ မင်းအမေကနေရမယ်ဆိုရင် ဘယ်လောက်မှမနေရတော့ဘူး ။ ဒီတော့ မင်းမိန်းမနဲ့အဆင်မပြေရင် ရိပ်သာမှာသွားထားပေ့ါကွာ ။
ဆိုတာကတစ်မျိုး ။
ဆွေမျိုးတွေကတော့ “ အမေက ဒီလောက်အသက်လည်းကြီးနေပြီ နေကလည်းကောင်းတာမဟုတ်ဘူး ရိပ်သာမှာသူများကြည့်ပေးမှာကို စိတ်ချလို့လား။ နောက်ထပ်ဘယ်နှနှစ်မှ ကြည့်ရတော့မှာမဟုတ်ဘူး ၊ ပြုစုခွင့်ရတုန်း အိမ်မှာသေချာပြုစုပေါ့ကွာ “
ဘယ်သူတွေဘယ်လိုပြောပြော နေ့လည်က စိတ်ပိုင်းဖြတ်ပြီးရိပ်သာမှာ စာရင်းပေးပြီးဖြစ်လို့ ။ ဒီအပတ် တနင်္ဂနွေတော့ အမေ့ကိုသွားပို့လိုက်တော့မယ်ပဲဆုံးဖြတ်လိုက်ပါတော့တယ်။ အမေကတော့ စိတ်မကောင်းဖြစ်မှာပေ့ါ ဒါပေမဲ့ခဏတဖြုတ်ပဲဖြစ်မှာပါ။ မဟုတ်ရင်နေ့တိုင်း မိန်းမက တဗြစ်တောက်တောက်နဲ့ ရန်ဖြစ်နေရတာထက် အကောင်းဆုံးနည်းလမ်းလို့တော့ သူထင်မိပါတယ်။

အမေ့ကို ရိပ်သာထဲတွဲခေါ်သွားရင်း ဧည့်ခန်းထဲမှာ တီဗီကြည့်နေတဲ့ အဘိုးအဘွားတွေကိုကြည့်မိပါတယ်။ သူတို့တွေရဲ့မျက်လုံးတွေအားလုံးဟာ အသက်မပါတော့သလိုပါပဲ။ ဧည့်သည်ဝင်လာတာလည်း စိတ်မ၀င်စားတော့ပဲ သူတို့ရှေ့မှာရှိတဲ့တီဗီကိုတာ ငူငူငိုင်ငိုင်တွေနဲ့ ကြည့်နေပါတယ်။
အမေ့လက်ကိုတွဲရင်း ရီသံကင်းမဲ့နေတဲ့ ဧည့်ခန်းကနေဖြတ်ကျော်လာပြီး အမေ့တွက်ရွေးထားတဲ့ အခန်းကိုသာ တန်းတန်းလျှောက်လာခဲ့ပါတယ်။ ဖြတ်လာတဲ့တလျှောက်မှာရှိတဲ့ တချို့အခန်းက အဘွားတစ်ချို့ကိုတွေ့ပါတယ်။ တစ်ချို့က ဘီစကစ်လေးစားနေတယ်။ တစ်ချို့ကတော့ တစ်ယောက်တည်း ငူငူငိုင်ငိုင်နဲ့ တစ်ယောက်တည်းစကားပြောနေတာလည်းတွေ့ရပါတယ်။ အခုချိန်မှာတော့ သူလုပ်ပေးနိုင်တာတစ်ခုက အမေ့တွက်အကောင်းဆုံးဖြစ်နိုင်မဲ့အခန်းလေးတစ်ခုရွေးချယ်ပေးပြီး အမေ့ကိုထားခဲ့ဖို့ပါပဲ။ အမေက မှောင်တာမကြိုက်တော့ လင်းမယ်ထင်တဲ့အခန်းရယ် ပြူတင်းပေါက်ကနေ အပြင်ကိုကြည့်ရင် စိမ်းစိမ်းစိုစိုရှိမယ်ထင်တဲ့အခန်း အမေ့တွက် နောက်ဆုံးရွေးပေးလိုက်ပါတယ်။
ညနေခင်းမှောင်ရီသရောချိန်ရောက်ပြီဆိုတော့ အရာအားလုံးက ပိုပြီးမှောင်မိုက်နေသလိုပါပဲ။
“ အမေ ကျွန်တော်သွားတော့မယ် လိုတာရှိရင် ဒီကဆရာမတွေနဲ့ပြောပြီး ဖုန်းဆက်လိုက်ပေ့ါ။ သားလည်းပုံမှန်လာကြည့်မှာပါ”
အမေလုပ်သူက ခေါင်းလေးညိတ်ရုံကလွဲပြီး အသံတောင်မထွက်တော့ပါဘူး။ သားထွက်သွားရာ လမ်းလေးကြည့်ပြီး မျက်ရည်လေးဝဲကာ လက်ပြနှုတ်ဆက်မိပေမဲ့ သားဖြစ်သူက နောက်တောင်လှည့်မကြည့်ပါဘူး သွက်လက်တဲ့ခြေလှမ်းတွေနဲ့ ကားရှိရာကိုလျှောက်လှမ်းသွားပါတော့တယ်။
ကျန်ရစ်ခဲ့တဲ့ အမေလုပ်သူက ပြူတင်းပေါက်နားမှာရပ်ပြီး မှန်ထဲမှာထင်ဟပ်နေတဲ့ ကိုယ့်အရိပ်ကိုယ်ကိုယ်ကြည့်ပြီး “ အော် ငါ့မှာသွားတွေလည်းတစ်ချောင်းမှ မရှိတော့ဘူး ။ အသွားအလာကလည်း တုံချိတုံချိနဲ့ သူများအကူလေးမှမပါရင် မသွားလာနိုင်တော့ဘူး ။ ငါ့သားခမျာလည်း အလုပ်တစ်ဘက်နဲ့ဆိုတော့ ငါက သူ့တွက်ဝန်ထုပ်ဝန်ပိုးကြီးဖြစ်နေတော့မှာပဲလေ” ပါးစပ်ကနေတီးတိုးရေရွတ်ရင်း ပါးပြင်ပေါ်မှာမျက်ရည်စီးကျလာပါတော့တယ်။

သားလေးခြောက်နှစ်တုန်းက ခင်ပွန်းသည်ကလည်း ဆုံးပါးသွားချိန် နယ်ကိုပြန်စရာလည်းကြုံတဲ့အခါ သားဖြစ်သူကိုလည်း ခေါ်သွားရမှာလည်းအဆင်မပြေလို့သားဖြစ်သူကို အမျိုးအိမ်မှာ ခဏအပ်ခဲ့ရတုန်းက သားလေးငိုယိုခဲ့တဲ့ပုံလေးကို ကြည့်ပြီး ရင်ထဲမချိအောင်ခံစားရပါတယ်။ “ အမေ သားကိုမထားခဲ့ပါနဲ့ “ ဆိုတဲ့ငိုသံဟာ ရင်ဘတ်အစုံကို ဓါးနဲ့မွှန်းနေသလိုပါပဲ။ “ အေးပါသားရယ် အမေချက်ချင်းပြန်လာပြီး သားကိုလာခေါ်ပါ့မယ်၊ လိမ်လိမ်မာမာနေခဲ့နော် “ ဆိုပြီး နယ်ကိုအပြေးသွားပြီး လုပ်စရာရှိတာ အမြန်ဆုံးလုပ်ပြီး သားဖြစ်သူဆီကို အပြေးတပိုင်းပြန်ကြိုခဲ့ပါတယ်။
မုဆိုးမဘ၀နဲ့ သားလေးကိုဘွဲ့ရပညာတတ်ဖြစ်စေဖို့ နောက်အိမ်ထောင်မပြုပဲ ပင်ပင်ပန်းပန်း အလုပ်မျိုးစုံလုပ်ပြီး ကျောင်းထားပေးခဲ့ပါတယ်။ ဘွဲ့တွေရပြီး နိုင်ငံခြားမှာ အလုပ်တောင်မလုပ်စေခဲ့ပဲ ကျောင်းထားပေးနိုင်ခဲ့တယ်။ ကျောင်းပြီးတော့ နိုင်ငံခြားကပြန်လာပြီး မိန်းမယူမယ်ဆိုတော့လည်း အစစအရာရာ အဆင်ပြေအောင် လုပ်ပေးနိုင်ခဲ့တာကိုပဲ အမေလုပ်တဲ့သူအဖို့ အရမ်းကိုတာဝန်ကျေခဲ့တယ်လို့ ထင်ပါတယ်။ သားလေးအတွက် အမြဲကိုဂုဏ်ယူပြီး လက်မထောင်ခဲ့ရပါတယ်။
အိမ်ထောင်ကျပြီးချိန်မှာ အသက်အရွယ်ရယ် ဘ၀ကြမ်းတမ်းမှုတွေကြောင့် ဇရာတွေကလည်း ထောက်လာချိန်မှာ သူများအကူညီမပါရင် ဘာမှမလုပ်နိုင်တော့တဲ့အရွယ်မှာ ခုလို ရိပ်သာရောက်လာတော့လည်း သူတို့လေးတွေတွက် အဆင်ပြေပါတယ်လေလို့ တွေးပြီး အိပ်ယာပေါ်အသာလေးလှဲချရင်း အိပ်ပျော်ဖို့ ကြိုးစားလိုက်ပါတော့တယ်။ ခုချိန်မှာ သန်သန်မာမာလုပ်နိုင်တာ မျက်ရည်လေးကျရုံကလွဲရင် ဘာမှာမှမရှိတော့တာလေ။

အိမ်ပြန်ရောက်တော့ ရီသံတလွင်လွင်နဲ့ မိန်းမလုပ်သူရဲ့ အသံအပြင် ယောက်ခမဖြစ်သူလည်းရောက်နေတာကို တွေ့လိုက်ရပါတယ်။ နှစ်ယောက်သား အမေ့ခန်းထဲဝင်ပြီး ဘာလုပ်နေပါလိမ့်မလို့ကြည့်လိုက်တော့ အမေ့ပစ္စည်းတွေကို ရှင်းလင်းနေတာကိုတွေ့ရပါတယ်။ စိတ်မကောင်းတဲ့အခံလေးကတော့ ရှိနေတော့ မိန်းမကိုမေးလိုက်မိပါတယ်။ “ အမေဘယ်တုန်းကရောက်တာလဲ မင်းကလည်းကြိုမပြောဘူး ၊ ခုဘာတွေလုပ်နေကြတာတုန်း “ ဆိုတော့ “ ရှင့်အမေ ပစ္စည်းတွေရှင်းထုတ်နေတာလေ ၊ ကုတင်အသစ်တစ်လုံးလဲ လည်းပစ်ရမယ်၊ ရှင့်အမေလည်းမရှိတော့ အိမ်မှာအဖေါ်လေးရအောင် အမေ့ကိုခေါ်ထားလိုက်မလို့လေ”ဆိုတဲ့အပြောအဆုံးမှာ ယောကျာ်းဖြစ်သူက ဒေါသချောင်းချောင်းထွက်လာပါတော့တယ် ယောက်ခမရှိနေတော့ ပြောမကောင်းပေမဲ့ “ မင်းငါ့အမေပစ္စည်းတွေကို တစ်ခုမှမထိနဲ့ “ ပုံးထဲမှာပစ်ထားလိုက်တဲ့ ဒဏ်ကြေလိမ်းဆေးပုလင်းကိုကြည့်ပြီး မျက်ရည်ကျကာ ။ ခုမှာစဉ်းစားမိတယ် အမေ့ကို ရိပ်သာပို့ဖို့ပဲလောကြီးမိတာ အမေညည ဒဏ်ကြေးလိမ်းဆေးလိမ်းမလိမ်းရင် ခြေထောက်ကိုက်တတ်တာကို မေ့နေမိတယ် ။ ကိုယ့်ကိုယ်ကို တော်တော်လေး အသုံးမကျတဲ့သားလို့အပြစ်တင်မိရင်း ပါးပြင်ပေါ်မှာ ယောကျာ်းကြီးတန်မဲ့ မျက်ရည်တွေ လိမ့်ဆင်းလာပါတော့တယ် ။

တစ်မှေးမှေးလိုက်ပြီး အခန်းကျဉ်းထဲမှာ မျက်စိဝေ့ကြည့်လိုက်တော့ အရာအားလုံးဟာအသက်မဲ့နေတာကို တွေ့ရပါတယ်။ သားလေးပြန်သွားတဲ့ လမ်းလေးကိုကြည့်ဖို့ မတ်တပ်လေးရပ်ပြီး တစမ်းစမ်းနဲ့ ပြူတင်းပေါက်နားသွားရပ်မိပါတော့တယ်။ ညရောက်ရင် ကိုက်လာတဲ့အရိုးတွေကြောင့် ကြာကြာမရပ်နိုင်ပေမဲ့ အလွမ်းပြေလေး ဘောင်လေးကိုင်ပြီးရပ်မိပါတော့တယ်။
လမ်းမပေါ်မှာ ကားတစ်စီးဝင်လာတဲ့မီးအလင်းရောင်ကို တွေ့တော့ သားဖြစ်သူကို သတိရမိပြီး မျက်ရည်စီးကျလာပါတယ်။ လှေကားပေါ်တက်လာတဲ့ခြေသံကိုကြားတော့ ရင်ထဲမှာသားလေးကိုအရမ်း သတိရမိတာ တားမရအောင်ကိုဖြစ်လာပါတယ်။ ခြေလှမ်းတွေက အခန်းဝရောက်တော့ ရပ်တန့်သွားပြီး အခန်းတံခါးကိုတွန်းဖွင့်လိုက်ချိန်မှာ “ အမေ့  “ ဆိုတဲ့အသံနဲ့ သားဖြစ်သူ အပြေးတပိုင်းနဲ့ ပြေးလာပြီး ဒူးလေးတုပ်ပြီး ဒဏ်ကြေလိမ်းဆေးပုလင်းလေးကိုကိုင်ပြီး ငိုနေပါတော့တယ်။
“ သားရယ် ဆေးဘူးကို တကူးတက လာပို့နေသေးတယ် ။ နောက်နေ့လာပို့လည်းရပါတယ် ။ ညဘက်ကားမောင်းရတာ အန္တရယ်များကများနဲ့ “
“ အမေ …အမေ့ကို သားအိမ်ပြန်လာခေါ်တာပါ။ သားကိုခွင့်လွှတ်ပါအမေ” ဆိုပြီး ရှိုက်ကြီးတငင်နဲ့ အမေလုပ်သူရဲ့ခြေသလုံးဖက်ပြီး ငိုတာကိုကြည့်ပြီး အမေလုပ်သူပါ စိတ်မထိန်းနိုင်ပဲ ငိုချလိုက်ပါတော့တယ်။ နှစ်ယောက်သားဖက်ငိုကြရင်း “ သားရယ် သားကိုခွင့်လွှတ်ရအောင် အမေမှ စိတ်မဆိုးတာ “
“ အမေရယ် ပြန်ကြရအောင်လာ “ ဆိုပြီး အမေ့ကိုအိမ်ပြန်ခေါ်သွားတဲ့လမ်းမှာ တနုန့်နုန့်နဲ့ ငယ်ဘ၀လေးကို မြင်ယောင်ရင်း အကြိမ်ကြိမ်ပြန်သေစေချင်စိတ်ပေါက်မိပါတော့တယ်။
အမေဟာ ငယ်ငယ်လေးကတည်းက ချီးယိုသေးပေါက် မကြာခဏလုပ်တတ်တဲ့သားကို မငြီးငြူပဲ လုပ်ပေးခဲ့တဲအမေ ။
ကာကွယ်ဆေးထိုးလို့ နေမကောင်းဖြစ်ရင် တစ်ညလုံးမအိပ်ပဲစောင့်ပေးခဲ့တဲ့အမေ။
အရွယ်ကောင်းမှာ မုဆိုးမဖြစ်ခဲ့ပေမဲ့ နောက်အိမ်ထောင်မပြုပဲ သားအတွက် ပင်ပန်းဆင်းရဲမှုပေါင်းစုံနဲ့ လောကဓံကို အံတုခဲ့တဲ့အမေ ။
သားစကားပြောတတ်ဖို့ ၊ ကဗျာတစ်ပုဒ် အလွတ်ရဖို့ တစ်ချက်လေးမှ မငြီးငြူပဲ အခေါက်ပေါင်းများစွာ တတွတ်တွတ်နဲ့ သင်ပေးခဲ့တဲ့အမေ။
သားကျောင်းတက်ဖို့ ဘာပဲလုပ်ရလုပ်ရ ညမအိပ်ပဲ အလုပ်ပေါင်းများစွာ ပင်ပင်ပန်းပန်းလုပ်ပေးခဲ့တဲ့အမေ။
နိုင်ငံခြားမှာ ကျောင်းတက်သွားဖို့ အချိန်ပိုင်းအလုပ်တောင် မလုပ်ခိုင်းပဲ ၊အချိန်မှာငွေပို့ပေးခဲ့တဲ့အမေ။
ကျောင်းပြီးလို့ အိမ်ထောင်ပြုဖို့ တပင်တပန်းနဲ့ ငွေတွေစုပေးခဲ့တဲ့အမေ။
ဒါပေမဲ့ ဒီလိုအမေကို သားဖြစ်သူက ဘာမှမလုပ်ပေးနိုင်ပဲ ရိပ်သာပို့ခဲ့တဲ့သားဖြစ်နေတယ်အမေ။
အမေကျွန်တော့ကို ခွင့်လွှတ်ပါအမေ။( မနုဿ         စာမျက်နှာလေးများမှ )

ယောသူတို့ရွာ (ရွှေအိမ်စည်)

ကျမတို့ ရဲ့ဒေသလေးကိုထုတ်ဖော်ပြောပြချင်ပါတယ် ။
ကျမ တို့ယောဒေသလေးဟာမြန်မာနိုင်ငံအလယ်ပိုင်း မကွေးတိုင်းထဲမှာတည်ရှိပါတယ်။ ဂန့် ဂေါ၊ ထီးလင်း ၊ကျောက်ထု၊ ဆောမြို့ဆိုပြီးရှိပါတယ်။ ယောဒေသကိုတောင်တန်းကြီးတွေကကာရံလို့ ပေါ့ ။ အဲဒီတောင်တန်းတွေထဲမှာ လူတိုင်းသိလောက်တဲ့ ပုံတောင်၊ပုံညာတောင် ဆိုတာပါတယ်။ လူသားအစမြန်မာက လို့ ပြောတဲ့ပုံတောင်လေ၊ ပုံတောင်ထိပ်မှာ အမေရေယာဉ်နတ်နန်းရှိပါတယ်၊အဲဒီတောင်ခြေကနေ မောချောင်း၊ယောချောင်းတို့စီးဆင်းတယ်လေ၊မောချောင်းကတော့မြစ်သာမြစ်ထဲကိုပေါင်းဆုံသွားပါတယ်။ သူတို့ အားလုံးရဲ့ထူးခြားချက်ကတော့ မြန်မာနိုင်ငံရဲ့တစ်ခြားသောမြစ်များနဲ့ မတူပဲဆန့် ကျင်ဘက်ကိုစီးတာပါ၊ ဒေသရဲ့ထူးခြားချက်လေးတွေပေါ့။
ယောဒေသကလူတွေရဲ့ထူးခြားချက်လေးတွေလည်းရှိပါတယ်၊ ယောသူ၊ယောသားတွေဟာအများသောအားဖြစ်ရိုးသားကြတယ်၊ ပွင့်လင်းတယ်၊ တစ်ဦးနဲ့တစ်ဦးကူညီရိုင်းပင်းကြတယ်။
ချစ်စရာဓလေ့လေးတွေလဲရှိပါတယ် သနပ်ခါးပါးတို့ ပွဲ၊ ဖိုက်ခြင်းတောင်း(မိုးခေါ်ပွဲ)၊ သနပ်ခါးပါးတို့ ပွဲမှာလူတန်းကြီးလှည့်နေတာပေါ့တစ်ယောက်နဲ့ တစ်ယောက်သနပ်နပ်ခါးပါး တို့ပေးကြတာတကယ်ကြည်နူးစရာပါ၊ ဖိုက်ခြင်းတောင်း(မိုးခေါ်ပွဲ) ကျမ လဲတစ်ခါပဲကြုံဖူးတယ်ယောဒေသကတောင်တန်းတွေထူပေမ့ယ်မိုးခေါင်လို့ မိုးခေါ်ကျတာလေ နတ်ဆရာတွေကရွတ်ခြင်တာရွတ်ပြီး ကပွဲတွေနဲ့မိုးခေါ်တာတဲ့ကြည်နူးစရာပါပဲ။
ပြီးတော့ကျမတို့ဒေသလေးမှာပျူလူမျိုးတွေရဲ့အနွယ်၊အဆက်တွေလို့လူကြီးတွေပြောတာကြားဖူးတဲ့ တောင်သားလူမျိုးဆိုတာလည်းရှိပါတယ်။ ယောဒေသကလူတွေဟာ ရိုးသားပြီးစည်းလုံးညီညွတ်စွာနေထိုင်ကြတာပါပဲ။
ရေနံလုပ်ငန်း
ပုံတောင်ပုံညာ ခင်အေးရေနံမှော်တွင် ရေနံထွက်နှုန်းအားကောင်းလာ၍ ပြန်လည်စည်ကား
ပုံတောင်ပုံညာ တောင်ကြော ခင်အေးရေနံမှော်သည် ယနေ့တိုင် ရေနံထွက်အား ကောင်းနေဆဲဖြစ်ကြောင်း သိရှိရပါသည်။ ယောဒေသ အတွင်းတည်ရှိသော ပုံတောင်ပုံညာကြောသည် ရေနံအထွက်ကောင်းသည့် ဒေသဖြစ်ကြောင်း သိရပါသည်။
၂၀၀၀ ပြည့်နှစ်ဝန်းကျင်ကပင် ခင်အေးရေနံမှော်သည် ယောနယ်၏စီးပွားရေးကို ဦးမော့စေခဲ့ကြောင်း ဒေသခံများ၏ အဆိုအရ သိရှိရပါတယ်။
"လွန်ခဲ့တဲ့သုံး၊ လေးနှစ်က ရေနံထွက်နှုန်းကျသွားလို့ ရေနံမုဆိုးတွေလည်း ရေကြည်ရာမြက်နုရာ ရှာဖွေခဲ့ကြရတယ်။ အခုပြန်လည် ထွက်အားကောင်းလို့ အရင်ကလို စည်ကားလာပါပြီ"ဟု ဒေသခံတစ်ဦးက ပြောကြားသံကိုခရီးသွားရင်းကျနော်ကြားခဲ့ ရပါသည်။
ခင်အေးရေနံမှော်တွင် ကုမ္ပဏီကြီးလေးငါးခုမှ လုပ်ခွင့်တူးဖော်ခွင့်များ ရယူထားပြီး ရေနံတူးသမားများက ထွက်ရှိသော ရေနံများကိုဆိုင်ရာကုမ္ပဏီသို့ ရောင်းချရသည်။ မေလပေါက်ဈေးသတင်းအရ ရေနံဈေးကျပ်ကိုးသောင်းခန့်ရှိသည်ဟု သိရသည်။
ရေနံတွင်းတစ်တွင်း၏ အရင်းအနှီးသည် ကျပ်ဆယ်ငါးသိန်းမှ ကျပ်နှစ်ဆယ့်ငါးသိန်းထိရှိပြီး ရေနံကျင်းတစ်ကျင်း၏ လုပ်အားခနှုန်းသည်ပင် ငါးသိန်းနီးပါးကုန်ကျသည်ဟုလည်း သိရပါသည်။
ဥယျာဉ် ခြံထွက်သီးနှံ
ယောဒေသ ဥယျာဉ် ခြံထွက်သီးနှံ ဈေးသည်များ တွေ့ရသကဲ့သို့ ကလေး ဒေသဘက်မှ လာသော ပြောင်းဖူး၊ ခရမ်းချဉ်၊ ပန်းသည်များလည်း တွေ့ရသည်။ တမူးနယ် ခမ်းပတ်ဒေသမှ လာသော ဆိုင်ကယ်ဈေးသည်များတွင် ငှက်ပျောသီး၊ ကြံသကာ၊ ဖွဲ၊ ဆန်ကွဲ၊ ကြံ၊ သံပရာ စသည့် သီး နှံစုံ၊ ဈေးသည်စုံကို တွေ့ရသည်။ ချင်းတွင်းမြစ်ရိုး ကလေးဝ ဒေသဘက်က မြစ်ငါး၊ မြစ်ပုစွန်များကို ဆိုင်ကယ်နှင့် အပြေးအလွှား လာရောင်းကြသည်။
တပင်တိုင်မြနန်းပင်
ပခုက္ကူယောနယ်ဒေသထွက် ဆေးဖက်ဝင် တပင်တိုင်မြနန်းပင်များကို တရုတ်ဝယ်လက်များက ဈေးကောင်းပေးဝယ်ယူလာကြောင်း သိရသည်။ ယောနယ်ပုံတောင်၊ ပုံညာဒေသ ၌ တပင်တိုင်မြနန်း ပင်များ အလေ့ကျပေါက်ရောက်နေပြီး ဒေသခံြ ပည်သူများ က ရှာဖွေ၍ ဈေးကွက်သို့ တင်ပို့ ရောင်းချ နေရာ တစ်ဖက် တစ်လမ်းမှ ယောဒေသ နေပြည် သူများ ၀င်ငွေ ကောင်းများရရှိ နေသည်။ မကွေးတိုင်း ဒေသကြီး ပခုက္ကူ ခရိုင်သည် ချင်းတောင်- ယောနယ် ပုံတောင်၊ ပုံညာမြေဒေသနှင့် ဆက်စပ်နေ သောကြောင့် ရှားပါး ဆေးဖက် ၀င်အပင်များ နေ့စဉ် ၀င်ရောက်လျက်ရှိ ကြောင်း သိရသည်။ တပင်တိုင်မြနန်း ပင်သည် အစွမ်း ထက်ဆေးဖက်ဝင်၍ အနီအဖြူ နှစ်မျိုးရှိကြောင်း၊ အနီက ပို၍ အစွမ်းထက် ကြောင်း သိရသည်။ တပင်တိုင်မြနန်း အား Edible Stemmed Vine ဟု အင်္ဂလိပ်လိုခေါ် ပြီး ဟိန္ဒူ ဘာသာဖြင့် Hadjo ဟုခေါ်ဆိုကြသည်။ တပင်တိုင်မြနန်း သည် အမြစ်ပိုင်း က အစွမ်းအထက် ဆုံးဖြစ်ပြီး ပခုက္ကူ မြို့ကြီး ၌ မျိုးတစ်ပိဿာ ကျပ် ၃၀၀၀ မှ ၅၀၀၀ ဈေးဝန်း ကျင် ရှိသည်။ သွေးခဲခြင်း မြစ်ပွား နားဖြစ်ခြင်း၊ သွေးဖြူ ဥတိုးပွားခြင်း တို့အား အထူးကာကွယ် နိုင်စွမ်းရှိ ၍ တရုတ်ပြည်မကြီး မှ ဈေးကောင်းပေးဝယ်ယူလျက်ရှိကြောင်း သိရသည်။
(ယောအသင်း)ရဲ့ကဗျာလေးတစ် ပုဒ်ပါ ယော
၂၁-၀၅-၂၀၀၈
၁။ ချစ်ခင်ညီညွတ် ရောက်လာတတ် သိမှတ်ယောခေါ်သည်။ ချစ်ခင်စရာ ဖြစ်တတ်ပါ မှန်စွာယောခေါ်သည်။ ချစ်ခင်ကြည်ဖြူ သိတတ်မူ မှတ်ယူယောခေါ်သည်။
၂။ ချမ်းသာသုံးရပ် ရောက်စေတတ် သိမှတ်ယောခေါ်သည်။ ချမ်းသာသုံးဖြာ ဖြစ်စေပါ မှန်စွာယောခေါ်သည်။ သစ္စာလေးဆူ သိစေမူ မှတ်ယူယောခေါ်သည်။
၃။ ချစ်ခင်လေးမြတ် ရောက်ရှိအပ် သိမှတ်ယောခေါ်သည်။ ချစ်ခင်လေးမြတ် ဖြစ်စေအပ် မချွတ်ယောခေါ်သည်။ ချစ်ခင်လေးစား သိအပ်ငြား မှတ်သားယောခေါ်သည်။
၎။ ချမ်းသာသုံးတန် ရောက်ကြောင်းမှန် ဧကန်ယောခေါ်သည်။ ချမ်းသာသုံးဖြာ ဖြစ်ကြောင်းမှာ မှန်စွာယောခေါ်သည်။ သစ္စာလေးဆူ သိကြောင်းဟူ မှတ်ယူယောခေါ်သည်။
၅။ ကောင်းစွာရောက်ရာ နိဗ္ဗာန်မှာ မှန်စွာယောခေါ်သည်။ ကောင်းစွာဖြစ်ရာ မြတ်ချမ်းသာ မှန်စွာယောခေါ်သည်။ ကောင်းစွာသိရာ တရားမှာ မှန်စွာယောခေါ်သည်။
၆။ တရားအစု မြတ်ကောင်းမှု မှတ်ရှုယောခေါ်သည်။ တရားကိုချစ် ယောအစစ် အနှစ်ပိုင်ဆိုင်သည်။ ယောသူယောသား ရိုးဖြောင့်ငြား စိတ်ထားဖြူးရမည်။
မှတ်ချက် ။ ။မိမိတို့ဒေသ ယောဆိုသည့်စကားလုံးမှာ ပါဠိစကားလုံးဖြစ်သည်။ ၄င်းပါဠိစကားလုံး၏ အဓိပ္ပာယ်ဖွင့်ဆိုချက်ကို ဝိဂြိုဟ် ဝစနတ်နှင့်အညီ တိပိဋကယောဆရာတော်မှ ကဗျာသီကုံးထားခြင်းဖြစ်သည်။
ကျမရဲ့တင်ပြမှုသည်ပြည့်စုံခြင်းမရှိပါသိသလောက်သာတင်ပြခြင်းပါ။(ရွှေအိမ်စည်)